អតីតខ្សែបម្រើ Manchester United និងក្រុមជម្រើសជាតិអង់គ្លេស Jesse Lingard កំពុងពិចារណាយ៉ាងយកចិត្តទុកដាក់លើសំណើផ្ដល់ជូនពីក្លិបកូរ៉េខាងត្បូង FC Seoul ។
កីឡាករវ័យ ៣១ ឆ្នាំរូបនេះ មិនមានក្លិបលេងចាប់តាំងពីចាកចេញពីក្លិប Nottingham Forest នៃក្របខណ្ឌ Premier League នៅចុងរដូវកាលមុន។
ក្លិប FC Seoul របស់ក្របខណ្ឌលីគកំពូលកូរ៉េខាងត្បូង K-League បានផ្តល់ជូន Lingard នូវកិច្ចសន្យារយៈពេល ២ ឆ្នាំ និងប្រាក់ខែយ៉ាងច្រើន។
កាលពីដើមរដូវកាលនេះ Lingard បានចូលរួមហ្វឹកហាត់ជាមួយក្រុម West Ham ហើយក៏បានចំណាយពេលហ្វឹកហាត់នៅក្លិប Al-Ettifaq នៅក្លិបអារ៉ាប៊ីសាអូឌីតផងដែរ។
Lingard បានចាប់ផ្តើមអាជីពរបស់គាត់នៅក្លិប Manchester United ដោយចំណាយពេល ១១ ឆ្នាំ មុនពេលចាកចេញនៅឆ្នាំ២០២២ ដើម្បីចូលរួមជាមួយ Forest បន្ទាប់ពីពួកគេបានឡើងទៅកាន់ក្របខណ្ឌ Premier League ៕