ក្លិប Real Madrid បានពិចារណាគម្រោងអនាគតក្នុងការនាំយក ខ្សែប្រយុទ្ធ Julian Alvarez របស់ក្លិប Manchester City។
ក្លិបយក្សអេស្ប៉ាញ បន្ដគោលការណ៍ថ្មីរបស់ពួកគេ ក្នុងការនាំចូលកីឡាករឆ្នើមៗ ពីក្លិបផ្សេងៗនៅអឺរ៉ុប ជាផ្នែកនៃគម្រោងរយៈពេលវែងរបស់ពួកគេ តួយ៉ាងដូចជា Jude Bellingham ដែលផ្លាស់ពី Borussia Dortmund ជាដើម។
គោលការណ៍ថ្មីរបស់ Real Madrid គឺពួកគេសម្លឹងមើល កីឡាករដែលអភិវឌ្ឍសមត្ថភាពរបស់ខ្លួន យ៉ាងហោចណាស់២រដូវកាល នៅក្នុងការប្រកួតប្រជែង UEFA Champions League មុនពេលធ្វើការសម្រេចផ្ទេរទៅកាន់ទឹកដី Santiago Bernabeu។
Alvarez បានបង្ហាញសមត្ថភាពយ៉ាងល្អនៅក្លិប Man City ហើយបើយោងតាមប្រភពពី Fichajes បានអះអាងថា ក្លិប Real Madrid ព្យាយាមក្នុងការនាំយក តារាឆ្នើមអាហ្សង់ទីនរូបនេះ មកពង្រឹងតំបន់ប្រយុទ្ធនារដូវក្ដៅឆ្នាំក្រោយ៕