ក្លិប Borussia Dortmund ត្រូវបានគេរាយការណ៍មកថា កំពុងពិចារណាចុះហត្ថលេខាលើខ្សែប្រយុទ្ធ Jadon Sancho ពីក្រុមបិសាចក្រហម Manchester United វិញ នៅក្នុងទីផ្សារដោះដូរកីឡាករ នាខែមករាខាងមុខ ។
ជាក់ស្តែង បន្ទាប់ពីបានចាកចេញពីក្រុមបិសាចក្រហម Manchester City ហើយផ្ទេរទៅកាន់ទឹកដីអាល្លឺម៉ង់មក ខ្សែប្រយុទ្ធសញ្ជាតិអង់គ្លេសរូបនេះ ត្រូវបានចាត់ទុកថាជាកីឡាករដ៏លេចធ្លោបំផុតមួយនៅអឺរ៉ុប។
តែទោះជាយ៉ាងណាក៏ដោយ Sancho ហាក់មិនអាចសម្របខ្លួនបាននោះឡើយ បន្ទាប់ពីវិលត្រលប់មកកាន់ប្រទេសកំណើតវិញ ជាមួយក្រុម Man Utd ដោយអាចរកបានត្រឹម ១២ គ្រាប់ និង assist បាន ៦ លើក ប៉ុណ្ណោះពីការបង្ហាញខ្លួន ៨២ ប្រកួត ។
ហើយយ៉ាងណាមិញ បើតាមការចុះផ្សាយពី The Sun បានរាយការណ៍ថា Dortmund បានត្រៀមខ្លួនរួចជាស្រេចហើយ ក្នុងការផ្តល់ឱកាសដល់គេ ដើម្បីវិលត្រលប់មកកាន់ក្លិបវិញ ជាពិសេសចំពេលកីឡាកររូបនេះ កំពុងមានភាពរកាំរកូសជាមួយអ្នកចាត់ការក្រុម លោក Ten Hag ស្រាប់ ។
ជម្រាប់ជូនផងដែរថា Dortmund ក៏ត្រូវបានគេយល់ថា បានព្យាយាមចុះហត្ថលេខាលើ Sancho ក្នុងលក្ខខ័ណ្ឌខ្ចីជើង ក្នុងកំឡុងទីផ្សារដោះដូរកីឡាករនាពេលថ្មីៗនេះផងដែរ ប៉ុន្តែសំណើរបស់ពួកគេ ត្រូវបានបដិសេធដោយ Man United ភ្លាមៗ៕