ប្រសិនណាជាបរាជ័យការចរចាយក Kylian Mbappe ចេញពីក្លឹបបារាំង Paris Saint-Germain នោះក្លឹបអធិរាជស Real Madrid នឹងរិះរកវិធីថ្មី បង្វែរទៅគោលដៅបន្ទាប់ទៀតគឺ Jamal Musiala ដែលជាមិត្តជិតស្និទ្ធរបស់ Jude Bellingham កំពុងបម្រើអាជីពនៅក្លឹប Bayern Munich ជំនួសវិញ។
ជាការពិតស្ថានភាពចុងក្រោយ ទាំងខាង PSG ទាំងខាង Madrid ហាក់មិនបង្ហាញភ្លើងខៀវ អំពីតម្រុយល្អទាល់តែសោះ ពាក់ព័ន្ធអនាគតចាកចេញរបស់កីឡាករបារាំង។ ចុងក្រោយបើ Mbappe នៅបន្តជ្រើសយកផ្លូវរួមរស់នៅក្លឹបការពារជើងឯក Ligue 1 នោះស្តេចសក៏មិនស្ទាក់ស្ទើរដកចិត្តចេញពីគេដែរ។
ជាការពិតសម្រាប់ Bayern បន្ទាប់មាន Harry Kane ក្លឹបរាងដកពេលវេលាច្រើនពី Musiala ដែលចន្លោះនេះហើយ នាំឲ្យក្លឹបដឹកនាំដោយប្រធានលោក Florentino Perez ជឿជាក់លើយុវជនសញ្ជាតិអង់គ្លេស ហើយជឿជាក់គេនឹងអាចសហការគ្នាបានយ៉ាងល្អ ជាមួយដៃគូកាន់ឆ្នាំ Bellingham ក្នុងទឹកដី Bernabeu។
រំឭកថា យុវជនវ័យ ២០ ឆ្នាំ លេងប្រយុទ្ធកណ្តាលក៏បាន ស្លាបក៏ទៅរួច រដូវកាលនេះ ឈរជើង ១៤ ប្រកួត រកបាន ៤ គ្រាប់និង Assist ៣ លើក។ ទន្ទឹមសុពលភាពកុងត្រាសេសសល់ដល់ចុងខែមិថុនា ឆ្នាំ ២០២៦ ម្ល៉េះគេអាចមានតម្លៃ ១១០ លានអឺរ៉ូ លើទីផ្សារដោះដូរខាងមុខ៕