ក្លិប Real Madrid ត្រូវបានគេរាយការណ៍មកថា កំពុងស្ថិតលើការពិណារដើម្បីចុះហត្ថលេខាលើខ្សែប្រយុទ្ធសញ្ជាតិអាហ្សង់ទីន កីឡាករ Mauro Icardi នៅទីផ្សារដោះដូរខែមករាខាងមុខនេះ។
ជុំវិញការចាប់អារម្មណ៍នេះ ត្រូវបានកើតឡើង នៅពេលដែល Vinicius Jr កំពុងរងរបួស ដែលអាចអវត្តមានពីក្រុមរយ:ពេលយូរ ចំពេលជម្រើសនៅក្នុងតំបន់ប្រយុទ្ធក្រុមរបស់លោក Ancelotti កំពុងមានភាពខ្វះខាតស្រាប់។
គួរឱ្យដឹងថា Icardi អាចនឹងមានតម្លៃប្រហែល ១៥ លានអឺរ៉ូ បន្ទាប់ពីគេបានផ្ទេរទៅចូលរួមជាមួយក្រុម Galatasaray ពី PSG ខណ:ពេលដែលនេះ ក៏មិនមែនជាលើកដំបូងនោះទេ ដែល R.Madrid បានបង្ហាញចាប់អារម្មណ៍ទៅលើអតីតកីឡាកររបស់ Inter Milan រូបនេះ។
ក្លិប Madrid បានចាត់ទុកថា Icardi អាចជាជម្រើសដ៏ល្អបំផុតមួយ ដើម្បីមកបំពេញតំណែងរបស់ Vinicius Jr. សម្រាប់ការមកចាប់ដៃគូលេងជាមួយ Rodrygo ឬ Joselu នៅក្នុងក្រុម ៕