ក្លឹបដឹកនាំដោយអ្នកចាត់ការលោក Mikel Arteta ហាក់មើលឃើញខ្លួនឯងខ្វះខាតនៅតំបន់ខាងលើ ហេតុនេះក៏ដាក់ក្រសែភ្នែកសម្លឹងទៅកីឡាករលើទីផ្សារដោះដូរកំពុងបើកទ្វារ ដែលមានអតីតខ្សែប្រយុទ្ធ Real Madrid គឺ Borja Mayoral ស្ថិតក្នុងតម្លៃផ្ទេរប្រហាក់ប្រហែល ២២ លានផោន។
ក្លឹប Arsenal ពិបាករកគ្រាប់បាល់ណាស់នៅប៉ុន្មានប្រកួតចុងក្រោយ ជាក់ស្ដែង ៤ ប្រកួតរបស់ពួកគេមិនស្គាល់ឈ្នះ ហើយក៏ធ្លាក់ចេញពីក្របខ័ណ្ឌ FA Cup ក្រោមថ្វីជើង Liverpool ថែមទៀត។ បើតាមរបាយការណ៍ The Sun ចុះផ្សាយ ក្លឹបខាងលើកំពុងមើលឃើញខ្សែប្រយុទ្ធក្លឹប Getafe ហើយចង់ចរចាត្រឹមខែមករានេះ។
ក្លឹបនៅក្របខ័ណ្ឌ La Liga ឯណោះ ក៏កំពុងរង់ចាំសំណើចរចារវាងភាគីក្លឹបចង់បាននៅឯ Premier League តែតម្លៃ ២២ លាន អាចនឹងមានការកើនឡើងបន្ថែមទៀត ដ្បិតក្លឹបមេល្ហៀងៗចង់បានដល់ជិត ៤០ លាន តែខាងក្លឹបចង់បាន ជឿថាខ្លួនមានយុទ្ធវិធីក្នុងការចរចារវាងក្លឹបនិងកីឡាករ។
រំឭកឲ្យដឹងថា Mayoral ធ្វើបានល្អគួរសមរដូវកាល ២០២៣/២៤ ត្រង់សរុបរកបានដល់ទៅ ១២ គ្រាប់ នៅពីក្រោមតែតួលេខតារាឆ្នើមអធិរាជស Jude Bellingham ម្នាក់ប៉ុណ្ណោះ ដែលគេមានដល់ ១៣ គ្រាប់ ឈរតំណែង Top Scorer ប្រចាំលីគ៕