លោក Frank Lampard ត្រូវបានរាយការណ៍ថា ជាគោលដៅរបស់ក្លិប Lyon ស្របពេលដែលក្លិបបារាំង បន្ដស្វែងរកអ្នកចាត់ការថ្មី។
ក្លិប Lyon បានប្រកាសកាលពីថ្មីៗនេះថា លោក Laurent Blanc បានចាកចេញពីតំណែងគ្រូបង្វឹក ហើយក្លិបបានព្រមព្រៀងបញ្ចប់កុងត្រារបស់លោក។
លោក Graham Potter ទទួលបានការចាប់អារម្មណ៍ពីក្លិបនៃក្របខណ្ឌ Ligue 1 មួយនេះ ប៉ុន្ដែអតីតគ្រូបង្វឹករបស់ Chelsea បានបដិសេធ។
ហើយពេលនេះ យោងតាមប្រភពពី 90Min បានឱ្យដឹងថា លោក Lampard ជាគ្រូបង្វឹកអង់គ្លេសម្នាក់ទៀត ដែលស្ថិតនៅក្នុងបញ្ជីដែលក្លិប Lyon ចង់បាន។
លោក Lampard បានទំនេរពីការងារជាគ្រូបង្វឹក ចាប់តាំងពីដំណាច់រដូវកាលមុន ក្រោយចាកចេញពីតួនាទីជាគ្រូបង្វឹកបណ្ដោះអាសន្នរបស់ Chelsea៕