សហព័ន្ធកីឡារាំកម្ពុជា ព្រឹកមិញនេះបានធ្វើពិធីបើកការប្រកួតជើងឯកថ្នាក់ជាតិ ឆ្នាំ២០២៣ របស់ខ្លួនហើយនៅក្នុងសាលមជ្ឈមណ្ឌលហ្វឹកហ្វឺនកីឡានៃពហុកីឡដ្ឋានជាតិ ក្រោមអធិបតីលោកជំទាវ ហ៊ុន ស៊ីណាត និងព្រះតូច នរោត្ដម ជេនណា។
លោកស្រី ហង់ ស៊ីមន អគ្គលេខាធិការសហព័ន្ធ បានឲ្យដឹងថាការប្រកួតជើងឯកថ្នាក់ជាតិ ឆ្នាំ២០២៣ នេះប្រព្រឹត្តិទៅរយៈពេល ២ថ្ងៃចាប់ពីថ្ងៃទី១០ ដល់ ១១ ខែធ្នូ ឆ្នាំ២០២៣។ ក្លឹបចូលរួមប្រកួតប្រជែងមាន៥ ទី១ ក្លឹបរាំក្រសួងមហាផ្ទៃ ទី២ ក្លឹបរាំក្រសួងការពារជាតិ ទី៣ ក្លឹបរាំសាលាវេស្ទឡាញន៏ ទី៤ ក្លឹបរាំខេត្តកណ្ដាល ទី៥ ក្លឹបរាំកំពង់ចាម។ ការប្រកួតប្រជែងនេះលេងលើ ២៣វិញ្ញាសា។
គោលបំណងនៃការប្រកួតនេះដែរគឺជាការវាស់ស្ទង់សមត្ថភាពកីឡាករ កីឡាការិនីថ្នាល និងពង្រឹងសមត្ថភាព ស្វែងរកនូវធនធានល្អៗបន្ថែមទៀត។ ជាមួយគ្នានេះការប្រកួតនេះដំណើរការទៅបានដោយទទួលបានថវិកាពីក្រសួងអប់រំ យុវជន និងកីឡា និងការឧបត្ថម្ភពីក្រុមហ៊ុន WEGក្រុមហ៊ុនSK Solida Radio ‘TV, ធនាគារអេស៊ីលីដា,លោកស្រី ទ្រីដាណា ម្ចាស់ហាង លក់គ្រឿងអលង្ការ ធនាគារ កាណាឌីយ៉ា ប្រព័ន្ធផ្សព្វផ្សាយ AMS, ក្រុមហ៊ុនផ្ទះត្រចៀកកាំ, មជ្ឈមណ្ឌលកែសម្ផស្ស EM, ក្រុមហ៊ុន អេនជល ត្រេឌីង ភោជនីយដ្ឋាន សាមតូ។
ការប្រកួតជើងឯកថ្នាក់ជាតិនេះនឹងបិទបញ្ចប់នៅល្ងាចថ្ងៃទី១០ ខែធ្នូ ២០២៣ នេះក្រោមអធិបតីភាពលោកជំទាវ បណ្ឌិត ពេជ ចន្ទមុន្នី ហ៊ុន ម៉ាណែត៕
