ក្លិប Al Ettifaq ត្រូវបានគេរាយការណ៍ថាគ្រោងនឹងផ្តល់សំណើរចំនួន ១០លានអឺរ៉ូ (៨,៦លានផោន) សម្រាប់ខ្សែប្រយុទ្ធរបស់របស់ក្រុមបិសាចក្រហម Manchester United កីឡាករ Anthony Martial នៅពេលដែលទីផ្សារដោះដូរកីឡាករនៅខែមករាបើកឡើងវិញ។
ជាក់ស្តែង Martial មានកុងត្រានៅ Old Trafford រហូតដល់ខែមិថុនាឆ្នាំក្រោយ ហើយក្រុម Man United ហាក់គ្មានបំណងចង់បន្តកុងត្រាថ្មីបន្ថែមទៀតជូនដល់ខ្សែប្រយុទ្ធសញ្ជាតិបារាំងទៀតនោះឡើយ។
ជាលទ្ធផល Martial ទំនងជាត្រូវបង្ខំចិត្តចាកចេញពីទឹកដី Old Trafford ក្នុងការផ្ទេរដោយគ្មានតម្លៃខ្លួននៅចុងបញ្ចប់រដូវកាលនេះ ដោយក្លិបជាច្រើននៅក្នុងប្រទេសអារ៉ាប៊ីសាអូឌីត ត្រូវបានគេនិយាយថាកំពុងតាមដានលើស្ថានភាពនេះហើយ។
ហើយឥឡូវនេះ យោងតាមអ្នកកាសែត Ekrem Konur បានបង្ហាញថាក្លិប Al Ettifaq កំពុងរៀបចំសំណើរ ១០លានអឺរ៉ូ សម្រាប់អតីតកីឡាកររបស់ក្រុម Monaco ចំពេលទាំង Casemiro និង Raphael Varane ក៏ត្រូវបានផ្សារភ្ជាប់ជាមួយនឹងការផ្ទេរទៅកាន់ប្រទេសអារ៉ាប៊ីសាអូឌីត ផងដែរ៕