បន្ទាប់ពីមានការភ្ជាប់នឹងលទ្ធភាពនៃការចាកចេញពី Manchester United ទៅកាន់អារ៉ាប៊ី សាអ៊ូឌីត ខ្សែការពារ Raphael Varane បាននិយាយ
ក្នុងរដូកាលនេះ Varane មិនស្ថិតនៅក្នុងជម្រើសចម្បងសម្រាប់អ្នកចាត់ការ Erik ten Hag នោះទេ ខុសពីរដូវមុន ដែលគេជាកីឡាករមិនអាចខ្វះបាន។
ដំណឹងនៃការចាកចេញរបស់ Varane មានការកើនឡើង ក្នុងរយៈពេលប៉ុន្មានខែចុងក្រោយ ហើយគេមានការភ្ជាប់ទៅនឹងក្លឹបនៅអារ៉ាប៊ី សាអ៊ូឌីត ជាពិសេស Al-Ittihad របស់អតីតមិត្តរួមក្រុម Real Madrid, Karim Benzema។
ទន្ទឹមនឹងបញ្ហារបួសរបស់ David Alaba នៅ Real Madrid ធ្វើឱ្យ Varane ខិតកៀកក្នុងការផ្លាស់ទៅអតីតក្លឹបរបស់ខ្លួនក្នុងនាមជាអ្នកជំនួស សម្រាប់កីឡាករដែលខកខានចូលរួមការប្រកួតរយៈពេលវែង។
ទោះយ៉ាងណាក្ដី បើយោងតាមប្រភពពីសារព័ត៌មាន L’Equipe បានរាយការណ៍ថា Varane មិនមានគោលដៅក្នុងការផ្ទេរទៅក្លឹបនៅអារ៉ាប៊ី សាអ៊ូឌីតឡើយ ហើយគេក៏ទំនងមិនផ្លាស់ប្ដូរក្លឹបផងដែរ នៅពាក់កណ្ដាលរដូវកាលនេះ៕