គ្រូបង្វឹកលោក Simone Inzaghi បច្ចុប្បន្នកំពុងតែបង្ហាញភាពលេចធ្លោយ៉ាងខ្លាំង ដោយកំពុងដឹកនាំក្រុមឆ្ពោះទៅរកការឈ្នះពានរង្វាន់ក្របខ័ណ្ឌ Serie A និងថែមទាំងមានភាគរយច្រើនក្នុងការយកឈ្នះក្រុម Atletico Madrid ដើម្បីឡើងទៅវគ្គបន្ទាប់ពាន UCL ផងដែរ។
ដោយសារតែសមត្ថភាពដ៏ល្អនេះហើយ ទើបយោងទៅតាម Tuttosport បានរាយការណ៍មកថា ក្លិប Barcelona កំពុងចាត់ទុកបុរសសញ្ជាតិអ៊ីតាលីរូបនេះ ជាបេក្ខភាពចម្បងមួយ សម្រាប់យកមកដឹកនាំក្រុមរបស់ពួកគេ នៅរដូវកាលក្រោយ រួមជាមួយបេក្ខភាពផ្សេងទៀតដូចជា Hansi Flick, Thomas Tuchel និង Roberto De Zerbi ផងដែរ។
ប៉ុន្តែទោះជាយ៉ាងណាក៏ដោយ បញ្ហាសម្រាប់ Barcelona បច្ចុប្បន្ននេះ គឺដោយសារតែលោក Inzaghi ក៏កំពុងទទួលបានការចាប់អារម្មណ៍ពីសំណាក់ក្លិបធំៗ នៅក្នុងក្របខ័ណ្ឌ Premier League ផងដែរ ដូចជា Manchester United , Chelsea ខណ: Liverpool ក៏កំពុងពិចារណាលើបុរសវ័យ ៤៧ឆ្នាំ ជាអ្នកមកស្នងតំណែងរបស់ Jurgen Klopp ដែលនឹងត្រូវចាកចេញផងដែរ៕