ខ្សែប្រយុទ្ធ Lamine Yamal ដែលទើបមានអាយុ ១៦ឆ្នាំរបស់ក្លឹប Barcelona ស្ថិតក្នុងចំណោមកីឡាករដែលមានតម្លៃខ្លួនខ្ពស់បំផុតនៅលីគកំពូល La Liga។ បើតាមស្ថិតិរបស់ Trannsfmarkt។
នៅក្នុងខណៈនេះកីឡាកររូបនេះមានតម្លៃខ្លួនប្រមាណ ៧៥លានអ៊ឺរ៉ូដែលស្ថិតក្នុងចំណោមកីឡាករទាំង១០រូប ដែលមានតម្លៃខ្លួនខ្ពស់បំផុតក្នុង La Liga ដោយក្នុងនោះគេបានជាប់លំដាប់ថ្នាក់ទី៩។
តម្លៃខ្លួន៧៥លានអ៊ឺរ៉ូនេះ ជាតម្លៃដែលទើបធ្វើបច្ចុប្បន្នភាពកាលពីពេលថ្មីៗនេះ ដោយកាលពីដើមរដូវកាលគេមានតម្លៃខ្លួន ៦០លានអ៊ឺរ៉ូប៉ុណ្ណោះ។
Yamal ជាកីឡាករវ័យក្មេងដែលមានសក្ដានុពលរបស់ Barca ដោយនៅក្នុងរដូវកាលនេះគេបានចូលលេងបាន ៣៩ប្រកួត និងស៊ុតចូល ៦គ្រាប់។ កីឡាករនេះមានកុងត្រានឹងក្លឹបនេះរហូតដល់ឆ្នាំ២០២៦ ដោយមានតម្លៃផ្ដាច់កុងត្រា ១ប៊ីលានអ៊ឺរ៉ូ៕