ក្លឹបហង្សក្រហម Liverpool ហាក់កំពុងសង្ឃឹមនៅភាគរយខ្ពស់ ក្នុងការថ្ពក់យកបានកីឡាករវ័យក្មេង Jamal Musiala ដែលគេស្គាល់នេះជាសមាជិក Bayern Munich មួយរូប រាប់ជាគោលដៅក្នុងដួងចិត្តរបស់លោក Jurgen Klopp ជាយូរណាស់មកហើយ។
បើតាមសារព័ត៌មាន Bild ចុះផ្សាយ ក្លឹបម្ចាស់ដី Anfield ហាក់ដាក់ចិត្តកាន់តែខ្លាំង បន្ទាប់មានភាពមិនប្រាកដប្រជាអំពីអនាគតរបស់ Mohamed Salah ដែលអាចនឹងចាកចេញនៅពេលខាងមុខ ទៅកាន់ក្លឹបក្នុងប្រទេសអារ៉ាប៊ីសាអូឌីត។ ស្ថានភាពពេលនេះ គឺគ្រោះថ្នាក់ និងប្រឈមខ្ពស់នឹងត្រូវបាត់បង់កីឡាករខាងលើសម្រាប់ Bayern Munich។
ត្រង់យុវជនវ័យ ២០ ឆ្នាំ ហាក់មិនជោគជ័យលើការចរចាកុងត្រាថ្មី ជាមួយក្លឹបអាល្លឺម៉ង់ទាល់តែសោះ។ សំខាន់បំផុតនោះ គុណភាពក្លឹបរយៈពេលចុងក្រោយក៏ស្ថិតក្រោមកម្រិតនៃការចង់បានថែមទៀត។ អ៊ីចឹងកីឡាករប្រហែលគិតនឹងចាកចេញច្រើនជាងការបន្តនៅ។
អ្វីដែលសំខាន់ចុងក្រោយ គឺកីឡាករ Musiala ផ្ទាល់ បារម្ភនឹងមិនទទួលបានពេលវេលាជាប់លាប់ជាមួយក្លឹបដឹកនាំដោយលោក Thomas Tuchel។ យើងទៅមើលស្ថិតិរបស់គេបន្តិចនៅរដូវកាល ២០២៣/២៤ ឈរជើង ៨ ប្រកួតក៏រកបាន ១ គ្រាប់ Assist ២ លើក តែមិនជាប់លាប់នៅជម្រើសដំបូងនោះឡើយ ខណៈសុពលភាពកុងត្រាសេសសល់ដល់ចុងខែមិថុនា ឆ្នាំ ២០២៦៕