Joao Cancelo ស្ថិតនៅក្នុងគម្រោងទិញចូលរបស់ក្លិប Barcelona នាទីផ្សាររដូវក្ដៅឆ្នាំក្រោយ ពេលដែលកិច្ចសន្យាខ្ចីជើងរបស់គេ ពីក្លិប Manchester City ត្រូវបានបញ្ចប់។
កីឡាករវ័យ២៩ឆ្នាំ រកគ្រាប់បាល់បាន២គ្រាប់ និង assist ម្ដង សម្រាប់ក្រុមអ្នកមានបុណ្យ ហើយក្លាយជាកីឡាករដ៏សំខាន់ សម្រាប់ក្រុមរបស់លោក Xavi Hernandez។
Barcelona មានការចរចាជាមួយ Man City សម្រាប់ការផ្ទេរ Cancelo ជាអចិន្ដ្រៃយ៍ ដោយពួកគេមានការពេញចិត្តចំពោះការបង្ហាញសមត្ថភាពរបស់កីឡាករព័រទុយហ្កាល់រូបនេះ។
ហើយបើយោងតាមសារព័ត៌មាន Daily Mail បានឱ្យដឹងថា ក្លិបនៃក្របខណ្ឌកំពូលអេស្ប៉ាញ អាចឈានដល់ការព្រមព្រៀងក្នុងការដោះដូរជាមួយក្លិបមេឃខៀវ នាខែមករាឆ្នាំ២០២៤ ខណៈ Cancelo បានបង្ហាញពីឆន្ទៈ ក្នុងការរស់នៅប្រទេសអេស្ប៉ាញ និងបានបង្ហាញពីសេចក្ដីស្រលាញ់ចំពោះក្លិបបច្ចុប្បន្នដែលគេកំពុងលេង៕