ក្លិប Real Madrid ត្រូវបានគេរាយការណ៍មកថា កំពុងពិចារណាខ្ចីជើងខ្សែការពារ Raphael Varane របស់ក្រុមបិសាចក្រហម Manchester United ត្រលប់មកកាន់ទឹកដី Bernabeu វិញ នៅក្នុងទីផ្សារដោះដូរខែមករាខាងមុខ។
ជាក់ស្តែងនេះបើតាមប្រភពពី Madrid Extra ដែលបានអះអាងថា ក្លិប Madrid កំពុងស្វែងរកជម្រើសខ្សែការពារថ្មី ហើយ Varane ត្រូវបានចាត់ទុកថាជាគោលដៅដ៏ធំមួយ ដែលខ្លួនកំពុងពិចារណា។
គួរឲ្យដឹងថា Madrid បច្ចុប្បន្នកំពុងជួបប្រទះជាមួយនឹងបញ្ហាកង្វះខ្សែការពារ បន្ទាប់ពី David Alaba ត្រូវបានបញ្ជាក់ថាមានរបួសសរសៃពួរ ដែលនឹងធ្វើឲ្យគេអវត្តមានរយ:ពេលយូរ បន្ទាប់ពីក្លិបយក្សអេស្ប៉ាញមួយនេះ បានបាត់បង់ខ្សែការពារ Eder Miliato រួចហើយនៅដើមរដូវកាលនេះ។
ទន្ទឹមនឹងនេះ Varane ដែលបានផ្ទេរទៅចូលរួមជាមួយក្រុម Man Utd កាលពីឆ្នាំ ២០២១ កន្លងទៅ បច្ចុប្បន្ននេះ ហាក់កំពុងប្រទះនូវភាពលំបាកយ៉ាងខ្លាំង ដើម្បីអាចស្វែងរកនាទីលេងនៅក្នុងក្រុមដែលដឹកនាំដោយគ្រូបង្វឹកលោក Erik ten Hag នៅពេលដែល Aaron Wan-Bissaka, Diogo Dalot និង Luke Shaw សុទ្ធសឹងតែជាជម្រើសនាំមុខគេ៕