យោងតាមរបាយការណ៍ចុះផ្សាយចុងក្រោយមួយ បានបង្ហាញឱ្យដឹងថា ខ្សែបម្រើ Frenkie de Jong គឺជាកីឡាករម្នាក់ ក្នុងចំណោមកីឡាករ ៣ រូប ដែលត្រូវបានក្លិប Barcelona ដាក់ចូលក្នុងបញ្ជីមិនលក់ចេញដាច់ខាត បើទោះជាក្នុងកាល:ទេស:ណាមួយក៏ដោយ នៅរដូវក្តៅខាងមុខនេះ ។
ទន្ទឹមនឹងនេះ មានរបាយការណ៍ថ្មីៗ ក៏បានបង្ហាញទៀតថា ក្លិប Man Utd អាចនឹងងាកមករក កីឡាករវ័យ ២៥ ឆ្នាំរូបនេះ ម្តងទៀត នៅទីផ្សាររដូវក្តៅខាងមុខ ប៉ុន្តែបើតាម Sport ឥឡូវនេះ បានអះអាងថា De Jong បានក្លាយជាកីឡាករម្នាក់ ក្នុងចំណោម ៣ រូប ដែលក្លិប Barca នឹងមិនព្រមលក់ចេញជាដាច់ខាត ។
យ៉ាងណាមិញ បើតាមប្រភពខាងលើ បានបង្ហាញឱ្យដឹងទៀតថា ក្រៅតែពី De Jong មិត្តរួមក្រុមរបស់គេ កីឡាករ Pedri និងខ្សែការពារ Ronald Araujo ក៏ត្រូវបានក្លិប Barca ដាក់បញ្ចូលទៅក្នុងបញ្ជីឈ្មោះនោះផងដែរ ៕