ថ្មីៗនេះ កីឡាករ Ángel Di María បានប្រកាសថាខ្លួននឹងបញ្ចប់ពេលវេលា ១៥ ឆ្នាំ ជាមួយក្រុមជម្រើសជាតិអាហ្សង់ទីន នៅរដូវក្តៅឆ្នាំក្រោយ។
ជាក់ស្តែង ខ្សែបម្រើរបស់ក្លិប Benfica រូបនេះ បានឈ្នះពានរង្វាន់ World Cup, Copa América និងមេដាយមាសអូឡាំពិក ជាមួយនឹងការបង្ហាញខ្លួនសរុប ១៣៤ ប្រកួត និងរកបាន ២៩ គ្រាប់សម្រាប់ជាតិរបស់ខ្លួន ចាប់តាំងពីការបង្ហាញខ្លួនជាលើកដំបូងក្នុងឆ្នាំ ២០០៨ មក ។
ប៉ុន្តែយ៉ាងណាមិញ Di María បានបញ្ជាក់កាលពីថ្ងៃអង្គារថាគេ ដល់ពេលត្រូវចូលនិវត្តន៍ពីក្រុមជម្រើសជាតិហើយ បន្ទាប់ពីការប្រកួតពាន Copa América របស់ក្រុមអាហ្សង់ទីន នៅឆ្នាំក្រោយ។
លើសពីនេះ Di Maria បានប្រាប់ស្ថានីយវិទ្យុអាហ្សង់ទីន Urbana Play ថា “ខ្ញុំនឹងចាកចេញពីក្រុមជម្រើសជាតិអាហ្សង់ទីន បន្ទាប់ពីចប់ Copa América – វាចប់ហើយសម្រាប់ខ្ញុំ។ ខ្ញុំបានឱប Messi នៅ PSG ហើយប្រាប់គាត់ថា រឿងតែមួយគត់ដែលខ្ញុំដឹងគុណនោះ គឺអាចលេងជាមួយអ្នកនៅក្នុងក្លិប ហើយបានជួបអ្នកជារៀងរាល់ថ្ងៃ” ៕