អតីតគ្រូបង្វឹកក្រុមជម្រើសជាតិអេស្ប៉ាញ លោក Julen Lopetegui ត្រូវបានគេរាយការណ៍មកថា កំពុងរង់ចាំការខលហៅពីសំណាក់ក្រុមបិសាចក្រហម Manchester United ដើម្បីទៅជំនួសតំណែងរបស់លោក Erik ten Hag។
ជាការតពិតណាស់ បើយោងតាមសារព័ត៌មាន Sport បានបង្ហាញថាលោក Lopetegui គឺជាបេក្ខភាពសំខាន់ម្នាក់ ក្នុងចំណោមបេក្ខភាពដទៃទៀត ដើម្បីមកជំនួស Ten Hag ដែលកំពុងមានសម្ពាធយ៉ាងខ្លាំង នៅទឹកដី Old Trafford ។
គួរឱ្យដឹងថា លោក Lopetegui បច្ចុប្បន្នកំពុងស្វែងរកការងារថ្មី បន្ទាប់ពីបានចែកផ្លូវគ្នាជាមួយក្រុម Wolverhampton Wanderers របស់ក្របខ័ណ្ឌ Premier League កាលពីរដូវក្តៅមុនកន្លងទៅ។
ប្រភពខាងលើ បានបង្ហាញទៀតថា លោក Lopetegui កំពុងរង់ចាំការខលហៅពីក្លិប Man Utd ផងដែរ ដោយអតីតគ្រូបង្វឹករបស់ក្រុមជម្រើសជាតិអេស្ប៉ាញរូបនេះ មានចំណូលចិត្តក្នុងការធ្វើការងារ នៅប្រទេសអង់គ្លេស៕