ខ្សែការពាររបស់ក្លិប Barcelona កីឡាករ Marcos Alonso ត្រូវបានគេរាយការណ៍មកថា កំពុងក្លាយជាគោលដៅកំពូលមួយរបស់ក្លិបគូប្រជែង Atletico Madrid ។
ជាក់ស្តែង Alonso បច្ចុប្បន្នកំពុងស្ថិតនៅក្នុងរដូវកាលទីពីរ នៅឯទឹកដី Camp Nou ក្រោយពីបានផ្ទេរមកពីក្រុម Chelsea ក្នុងឆ្នាំ ២០២២កន្លងទៅ។
ប៉ុន្តែទោះជាយ៉ាងណាក៏ដោយអនាគតរបស់ Alonso កំពុងស្ថិតនៅក្នុងភាពសង្ស័យខ្លាំងនៅពេលដែលក្លិបបានប្រកាសថានឹងមិនផ្តល់ជូនកុងត្រាថ្មីបន្ថែមទៀតនោះឡើយ ខណ:កិច្ចសន្យាបច្ចុប្បន្ននឹងត្រូវបញ្ចប់ នៅរដូវក្តៅឆ្នាំក្រោយនេះហើយ។
ហើយឥឡូវនេះយោងតាមរបាយការណ៍ពី Football Transfers បានរាយការណ៍មកថាក្លិប At Madrid កំពុងតាមដានលើស្ថានភាពនេះយ៉ាងដិតដល់ និងចង់ចុះហត្ថលេខាលើគេនៅទីផ្សារដោះដូរកីឡាករ រដូវក្តៅខាងមុខ។
ប្រភពដដែលនេះ បានបន្តទៀតថា ក្លិប At Madrid ក៏បានត្រៀមខ្លួនក្នុងការផ្តល់ជូនកុងត្រារយ:មួយឆ្នាំ ដើម្បីរក្សាគេឲ្យស្នាក់នៅប្រទេសអេស្ប៉ាញ និងពានរង្វាន់អឺរ៉ុបបន្តទៀត៕