សព្វថ្ងៃបន្តជាសមាជិករបស់ក្លឹប Napoli តែត្រូវបានគេមើលឃើញមុន អំពីអនាគតថាហាក់មិនជាយូរទៀតទេ ក្នុងការផ្ទេរចេញទៅកាន់ក្លឹបថ្មី ហើយកន្លងមកបានផ្សារភ្ជាប់ទៅក្លឹបអង់គ្លេសពីរលើភាគរយខ្ពស់បំផុតរវាងមាន់ខ្នាយមាស Tottenham Hotspur និងតោខៀវ Chelsea។
យ៉ាងណាខ្សែប្រយុទ្ធសញ្ជាតិនីហ្សេរីយ៉ា ដែលមានហាងឆេងតម្លៃខ្លួន ១៥០ លានផោន ក៏រកបាន ៦ គ្រាប់នៅ ៨ ប្រកួតក្នុងលីគរដូវកាលនេះ ហាក់មើលឃើញពីការជ្រើសរើសរួចរាល់។ បើតាមប្រភពអ្នកសារព័ត៌មានលោក Nizaar Kinsella នៃស្ថាប័ន Evening Standard ចុះផ្សាយ Osimhen គេជ្រើសយក Chelsea។
ប្រភពរៀបរាប់៖ “វាជាទីផ្សារដ៏អាក្រក់មួយសម្រាប់ខ្សែប្រយុទ្ធនៅខែមករា តែយ៉ាងណា Osimhen គេជាកីឡាករគ្រប់គ្នាចង់បាន ដូច្នេះមិនថយក្រោយទេ គឺមានតែទៅមុខពេលនេះ គេសក្តិសមនឹង Chelsea ក្លឹបក៏ចូលចិត្តគេ សាមីខ្លួនកីឡាករផ្ទាល់ក៏ពេញចិត្តក្លឹប ខ្ញុំទទួលបានដំណឹងនេះមួយរយៈពេលខ្លីមកហើយ”។
លោកបន្ត៖ “គេតែងតែស្រលាញ់ពេញចិត្ត Chelsea ដូចការស្រលាញ់ Drogba អ្នកទាំងពីរមានភាពស្រដៀងគ្នា ហើយកីឡាករក៏ហាក់ចាប់អារម្មណ៍លើក្លឹប Manchester United ដែរ តែខាងភាគីក្លឹបនោះ មិនចាប់អារម្មណ៍ការចុះហត្ថលេខានាំយកខ្សែប្រយុទ្ធប្រអប់បន្ថែមទៀតឡើយ”៕