James Maddison ថ្មីៗនេះ បានធ្វើការសារភាពថាគេពិតជាស្អប់ក្នុងការដែលឃើងមិត្តរួមក្រុមជម្រើសជាតិអង់គ្លេសរបស់ខ្លួន គឺខ្សែបម្រើ Declan Rice ផ្ទេរទៅលេងឲ្យក្រុមគូប្រជែង Arsenal ពីក្រុម West Ham កាលពីរដូវក្តៅកន្លងទៅ។
ជាការពិតណាស់ក្រុម Arsenal បានចំណាយលុយបំបែកកំណត់ត្រាផ្ទេររបស់ពួកគេ ដើម្បីចុះហត្ថលេខាលើ Rice ក្នុងអំឡុងពេលទីផ្សារដោះដូរកន្លងទៅ ពោលគឺបានយកឈ្នះទៅលើក្រុមគូប្រជែងធំៗ ដូចជា Manchester City និង Bayern Munich ជាដើម ។
ហើយយ៉ាងណាមិញ ដោយធ្លាប់បានចំណាយពេលលេងច្រើនជាមួយ Rice ជាពិសេសក្នុងក្រុមជម្រើសជាតិ Maddison បានដឹងយ៉ាងច្បាស់ពីទេពកោសល្យពិសេសរបស់តារា Arsenal រូបនេះ ហើយវានឹងបង្កភាពលំបាកខ្លាំង សម្រាប់ក្រុម Tottenham របស់ខ្លួន ក្នុងនាមជាក្លិបគូប្រជែងធំមួយនៅក្នុងទីក្រុងរួមគ្នា។
លើសពីនេះ Maddison បានប្រាប់ Amazon Primce ថា ៖ ” គាត់មានអ្វីៗគ្រប់បែបយ៉ាង។ គាត់មានបច្ចេកទេសល្អណាស់។ យើងឆ្លងកាត់ការហ្វឹកហាត់សម្រាប់ជម្រើសជាតិអង់គ្លេស។ ខ្ញុំគិតថាគាត់ជាកីឡាករកំពូលម្នាក់។ ហើយខ្ញុំស្អប់ដែលគាត់លេងឱ្យ Arsenal”៕