បន្ទាប់ពីមិនជោគជ័យជាមួយក្លឹបតោខៀវ Chelsea ក៏កីឡាករអាល្លឺម៉ង់ Timo Werner បានត្រលប់ទៅក្លឹបចាស់ RB Leipzig កាលពីរដូវក្តៅ ឆ្នាំ ២០២២ ឥឡូវឆ្លងទើបតែបានមួយរដូវកាល ក៏មានដំណឹងក្លឹបមេគិតគូរប្រុងអនុញ្ញាតឲ្យកីឡាករចាកចេញជាថ្មី ទៅកាន់ក្លឹបនៅទឹកដីអង់គ្លេសជាលើកទីពីរ។
បើតាមសារព័ត៌មាន Bild រាយការណ៍មក Leipzig បានត្រៀមលក្ខណៈរួចរាល់ នឹងអនុញ្ញាតឲ្យអតីតខ្សែប្រយុទ្ធក្លឹប Chelsea ត្រលប់ទៅបណ្តាក្លឹបនានាខាងមុខ បន្ទាប់តែមានចចាមអារ៉ាមក្លឹបញញួរធំ West Ham United នៅឯ Premier League ចង់ចុះហត្ថលេខាយកគេ។
ស្របពេលដែល Werner គេមិនសូវទទួលបានពេលវេលាជាប់លាប់នៅ Bundesliga ដ្បិតឆ្លងកាត់ ១៤ ប្រកួត ក៏ច្រើនតែបម្រុងឈរជើងត្រឹម ៣៨៦ នាទីគត់លើទីលាន។ ខណៈតួលេខគ្រាប់បាល់ ២ គ្រាប់ បូកនឹង Assist ១ មិនហៅជាចំណែកធំឡើយ ជូនក្លឹបខាងលើ។
សម្រាប់ខ្សែប្រយុទ្ធវ័យ ២៧ ឆ្នាំខាងលើ បើបន្តនៅក្លឹបដឹកនាំដោយអ្នកចាត់ការលោក Marco Rose ក៏មិនសង្ឃឹមទទួលបានឱកាសនោះដែរ ហេតុនេះការដកខ្លួនអាចជាជម្រើសល្អ។ មួយរយៈក្រោយនៅក្លឹបអាល្លឺម៉ង់ មានសិស្សប្អូនក្រោយៗដូច Xavi Simons, Lois Openda, Yussuf Pulsen និង Benjamin Sesko សុទ្ធតែបង្ហាញទម្រង់ល្អ ស្ថិតនៅតំណែងតួឯកជាអាទិភាព៕