ក្លឹបអ្នកមានបុណ្យ Barcelona បើទោះបីអាចយកឈ្នះទាំងលទ្ធផលតានតឹង ១-០ ទៅលើ Osasuna កាលពីទៀបភ្លឺថ្ងៃព្រហស្បតិ៍ យ៉ាងណាពួកគេក៏ត្រូវអវត្តមានកីឡាករសំខាន់មួយរូបដែរ នៅតំបន់ប្រយុទ្ធនោះជា Ferran Torres ដែលជួបបញ្ហារបួស ត្រង់ផ្នែកភ្លៅខាងស្តាំ ហើយបង្ខំចិត្តចេញពីទីលាន ។
ត្រង់នៅនាទីទី ៧ Torres បានប្តរចេញទាំងទឹកភ្នែករលីងរលោង ហើយចូលជំនួស ដោយខ្សែប្រយុទ្ធវ័យក្មេង Fermin Lopez។ នេះអតីតយុវជនថ្នាល Valencia គេហាក់មានភាពមិនអស់ចិត្ត និងសោកស្តាយចំពោះស្ថានភាពរបស់ខ្លួនជាចខ្លាំង ត្រង់ជឿថា អាចទាមទារការសម្រាករយៈពេលយូរ។
អ្នកចាត់ការលោក Xavi Hernandez ក៏គ្មានជម្រើសដែរ រួចបានជ្រើសការហៅកីឡាករអេស្ប៉ាញចេញពីទីលានប្រកួតភ្លាមៗ។ គិតមកទល់ម៉ោងនេះ ស្ថានភាពរបួសរបស់កីឡាករកំពុងស្ថិតក្រោមការឃ្លាំមើល ដែលនេះជាកីឡាករទី ៩ ហើយរបស់អ្នកមានបុណ្យត្រូវឈរជើងក្រៅទីលាន។
ខណៈអ្នកមុនៗមាន ខ្សែបម្រើ Gavi, Sergi Roberto, ខ្សែការពារ Alejandro Balde, Marcos Alonso, Inigo Martinez ខ្សែប្រយុទ្ធ Raphinha, Joao Felix និងអ្នកចាំទី Marc-Andre ter Stegen ត្រង់អ្នកខ្លះត្រូវសម្រាកដល់បិទរដូវកាលក៏មាន៕