យោងតាមប្រភពពី Sportico បានចុះផ្សាយថា Cristiano Ronaldo ជាអ្នកកីឡាដែលកើបចំណូលបានច្រើនបំផុតប្រចាំឆ្នាំ ក្រោយទទួលបានប្រាក់ឈ្នួលយ៉ាងខ្ពស់ពី Al-Nassr ខណៈដែល Lionel Messi ស្ថិតនៅក្នុងចំណាត់ថ្នាក់លេខ៣។
ប្រភពខាងលើ បញ្ជាក់ថា ខ្សែប្រយុទ្ធព័រទុយហ្កាល់ទទួលបានចំណូលសរុបក្នុងឆ្នាំ ២០២៣ ប្រមាណ២៦០លានដុល្លារ ដែលបានមកពីប្រាក់ឈ្នួលនៅក្លឹប Al-Nassr រួមជាមួយចំណូលពីការផ្សព្វផ្សាយផ្ទាល់ខ្លួនផ្សេងទៀតផងដែរ។
កីឡាករវាយកូនហ្គោលអេស្ប៉ាញ Jon Rahm ស្ថិតនៅក្នុងលំដាប់ទី២ ទទួលបានចំណូលសរុប២០៣លានដុល្លារ ខណៈ Messi ដែលបច្ចុប្បន្នជាសមាជិកក្លឹប Inter Miami នៅលេខ៣ ទទួលបាន ១៣០លានដុល្លារ។ កីឡាដែលទទួលបានចំណូលច្រើនបំផុតក្នុងឆ្នាំ២០២៣ មានដូចជា៖
- Cristiano Ronaldo ២៦០លានដុល្លារ
- John Rahm ២០៣លានដុល្លារ
- Leo Messi ១៣០លានដុល្លារ
- LeBron James ១២៥.៧លានដុល្លារ
- Kylian Mbappe ១២៥លានដុល្លារ
- Neymar ១២១លានដុល្លារ
- Stephen Curry ៩៨.៩លានដុល្លារ
- Giannis Antetokounmpo ៩៨.៩លានដុល្លារ
- Kevin Durant ៨៦.៩លានដុល្លារ
- Patrick Mahomes ៨៤.៣លានដុល្លារ