ក្លិបបិសាចក្រហម Manchester United ត្រូវបានគេរាយការណ៍មកថា នឹងពិចារណាបើកផ្លូវឱ្យខ្សែបម្រើ Scott McTominay ចាកចេញ ក្នុងខែមករាខាងមុខនេះ ស្របពេលBayern Munich និង Newcastle United សុទ្ធសឹងតែចាប់អារម្មណ៍។
ជាក់ស្តែង បើយោងតាម Fichajes បានអះអាងថា ក្លិប United ចង់លក់ McTominay នៅអំឡុងទីផ្សាររដូវក្តៅនេះ តែទោះបីជាយ៉ាងណាក៏ដោយ គ្មានក្លិបណាមួយ អាចផ្តល់ជូនសំណើស័ក្តិសមសម្រាប់ខ្សែបម្រើសញ្ជាតិស្កុតឡេននោះទេ។
គួរឱ្យដឹងថា Newcastle ត្រូវបានចាត់ទុកជាក្លិប ដែលបង្ហាញចំណាប់អារម្មណ៍ខ្លាំង លើ McTominay នៅពេលដែលគ្រូបង្វឹកលោក Eddie Howe កំពុងសម្លឹងរកមើលការពង្រឹងតំបន់បម្រើរបស់គាត់បន្ថែមទៀត ជាពិសេសក្នុងការលេងនៅពាន UEFA Champions League។
ទន្ទឹមនឹងនេះ លោក Thomas Tuchel ក៏ត្រូវបានគេដឹងថាជាអ្នកគាំទ្រពេញទំហឹងមួយរបស់កីឡាកររូបនេះ ផងដែរ ដោយគ្រូបង្វឹកសញ្ជាតិអាល្លឺម៉ង់ បានចាប់អារម្មណ៍ជាមួយនឹងការបង្ហាញខ្លួនថ្មីៗរបស់ McTominay សម្រាប់ជម្រើសជាតិស្កុតឡែន កាលពីពេលថ្មីៗនេះ៕