ក្លិប Bayern Munich ថ្មីៗនេះ ត្រូវបានគេរាយការណ៍មកថា កំពុងមានចំណាប់អារម្មណ៍ក្នុងការដាក់សំណើរផ្តល់ជូនខ្សែការពារ Raphael Varane របស់ក្រុមបិសាចក្រហម Manchester United ក្នុងទីផ្សារដោះដូរនាពេលខាងមុខ។
ជាការពិតណាស់ គ្រូបង្វឹកលោក Thomas Tuchel នៅតែមានបំណងចង់នាំយកជម្រើសខ្សែការពារថ្មី មកពង្រឹងក្រុមរបស់ខ្លួន បន្ទាប់ពីខកខាន ក្នុងការចុះហត្ថលេខាលើគោលដៅសំខាន់ៗមួយចំនួន កាលពីអំឡុងទីផ្សារដោះដូររដូវក្តៅកន្លងទៅ។
ហើយឥឡូវនេះ បើយោងតាម Sky Sport Deutschland បានអះអាងថា ក្លិប Bayern កំពុងរៀបចំផែនការមួយចំនួន ក្នុងការទាក់ទាញខ្សែការពារ Varane នៅក្នុងទីផ្សារដោះដូរនាខែមករាខាងមុខ។
ជុំវិញការចាប់អារម្មណ៍នេះ ត្រូវបានកើតឡើង នៅពេលកីឡាករសញ្ជាតិបារាំង មិនត្រូវបានគេចាត់ទុកថាស្ថិតនៅក្នុងជម្រើសដំបូងរបស់លោក Erik ten Hag ដែលជាអ្នកចាត់ការក្រុម Man United នោះឡើយ៕