ក្លិប Arsenal ត្រូវបានរាយការណ៍ថា នឹងចំណាយទឹកប្រាក់យ៉ាងច្រើន ដើម្បីផ្ទេរ កីឡាករកំពុងលេចធ្លោនៅក្លិប Real Sociedad, Martin Zubimendi។
យោងតាមប្រភពពីសារព័ត៌មានអេស្ប៉ាញ Nacional, ក្លិបកាំភ្លើងធំ បានត្រៀមចំណាយកៀកនឹងតម្លៃផ្ដាច់កុងត្រារបស់ Zubimendi ខណៈក្លិប Barcelona ក៏កំពុងចាប់អារម្មណ៍រូបគេផងដែរ។
ខ្សែបម្រើរូបនេះ មានតម្លៃប្រមាណ៥០លានផោន។ Arsenal មានគម្រោងនាំយកកីឡាករមកប្រជែងតំណែងជាមួយ Thomas Partey ក្នុងទីផ្សាររដូវរងារខាងមុខ ខណៈកីឡាករហ្កាណា ស្ថិតនៅក្នុងគោលដៅចង់បានពីក្លិប Juventus និង Atletico Madrid៕