គ្រូបង្វឹករបស់ក្រុមហង្សក្រហម Liverpool លោក Jurgen Klopp ត្រូវបានគេរាយការណ៍មកថា បានបោះចោលឱកាស ក្នុងការទៅស្នងតំណែងរបស់លោក Hansi Flick នាមជាអ្នកចាត់ការថ្មីរបស់ក្រុមជម្រើសជាតិអាល្លឺម៉ង់ មុនពេលលោក Julian Nagelsman ត្រូវបានតែងតាំង នៅសប្តាហ៍នេះ។
ជាក់ស្តែង សមាគមបាល់ទាត់អាឡឺម៉ង់ (DFB) បានប្រកាសកាលពីថ្ងៃសុក្រថា Nagelsmann នឹងចូលកាន់តំណែងជាអ្នកចាត់ការថ្មីនៃក្រុមជម្រើសជាតិ ដោយគាត់បានចុះហត្ថលេខាលើកិច្ចព្រមព្រៀងមួយ រហូតដល់ឆ្នាំ ២០២៤ ។
ប៉ុន្តែបើតាមការចុះផ្សាយពី Telgraph បានបង្ហាញថា DFB បានងាកទៅរកអតីតគ្រូបង្វឹករបស់ក្រុម Bayern លោក Nagelsmann បន្ទាប់ពីលោក Klopp បានបដិសេធមិនទទួលយកការងារនេះនោះឡើយ ។
បើតាមភ្នាក់ងាររបស់ Klopp លោក Marc Kosicke បានសង្កត់ធ្ងន់កាលពីដើមខែនេះថា អ្នកចាត់ការក្រុម Liverpool ចង់គោរពទៅលើកិច្ចសន្យារបស់គាត់ ជាមួយក្លិប ដែលមានសុពលភាពរហូតដល់ឆ្នាំ ២០២៦ ៕