ក្រុមជម្រើសជាតិម៉ារ៉ុកដែលសម្រេចសមិទ្ធផលល្អ ដល់ឈោងបានកៅអីវគ្គ ៤ ក្រុមចុងក្រោយ ពានរង្វាន់ FIFA World Cup ឃើញថាមានកីឡាករដល់ទៅ ៤ រូប ជាប់ឈ្មោះក្នុងចំណោមបេក្ខភាពតារាឆ្នើមទាំង ១០ នៅបញ្ជី African Player of the Year Award។
ក្នុងនោះមានដូចជាអ្នកចាំទី Yassine Bounou ខ្សែការពារស្លាប Achraf Hakimi ខ្សែបម្រើ Sofyan Amrabat និងខ្សែប្រយុទ្ធ Youssef En-Nesyri។ សមិទ្ធផលធំដែលពួកគេសម្រេចបានកាលនៅ World Cup ដែលស្ថិតក្នុងពូលជាមួយបែលហ្សិក និងម្ចាស់ជើងឯករង ២០១៨ គឺក្រូអាត ហើយក៏បន្តយកឈ្នះអេស្ប៉ាញ និងព័រទុយហ្គាល់ មុនធ្លាក់ក្រោមថ្វីជើងបារាំង នាវគ្គ ៤ ក្រុម។
អ្នកផ្សេងៗឯទៀតរួមមាន Mohamed Salah នៃជម្រើសជាតិអេហ្សីប, Sadio Mane នៃជម្រើសជាតិសេណេហ្គាល់, Riyad Mahrez នៃជម្រើសជាតិអាល់ហ្សេរី ដៃគូកាមេរ៉ូន Andre-Frank Zambo Anguissa និង Vincent Aboubacar និងកីឡាករនីហ្សេរីយ៉ា Victor Osimhen បិទបញ្ជី។
ការប្រកាសអ្នកឈ្នះ នឹងធ្វើឡើងនៅកម្មវិធីក្នុងទីក្រុង Marrakesh ប្រទេសម៉ារ៉ុក នាថ្ងៃទី ១១ ធ្នូ។ ភាគរយច្រើនសារនេះ គេរំពឹងជាកីឡាករជម្រើសជាតិខាងលើនោះឯងជាអ្នកឈ្នះ យ៉ាងណាយើងមានតែរង់ចាំអ៊ុតមើលទាំងអស់គ្នា។ ខណៈការជឿជាក់របស់ CamboTrends Sports គឺចុចយកឈ្មោះ Achraf Hakimi ហើយ៕