ក្លិប Barcelona ត្រូវបានគេរាយការណ៍ថាមិនមានគម្រោងបណ្តេញអ្នកចាត់ការក្រុម លោក Xavi ចេញពីតំណែងនោះលើយ បើទោះបីជាការដឹកនាំរបស់លោក មិនសូវទទួលបានលទ្ធផលល្អ នៅរដូវកាលនេះក៏ដោយ។
ជាក់ស្តែង Barca បានឡើងទៅកាន់វគ្គបន្ទាប់ទៀត នៅក្នុងក្របខ័ណ្ឌ Champions League របស់ពួកគេ រួចទៅហើយ បើទោះបីរងបរាជ័យយ៉ាងដ៏គួឲ្យភ្ញាក់ផ្អើលក្នុងលទ្ធផល ៣–២ ក្រោមថ្វីជើងរបស់ក្រុម Royal Antwerp ក្នុងការប្រកួតចុងក្រោយរបស់ពួកគេនៅក្នុងពូលក្តី។
យ៉ាងណាមិញ នៅក្នុងក្របខ័ណ្ឌ La Liga វិញ Barca បច្ចុប្បន្នកំពុងឈរនៅចំណាត់ថ្នាក់លេខ ៣ ដោយមាន ៣៨ ពិន្ទុ ក្រោយយកឈ្នះទៅលើក្រុម Almeria ទាំងលំបាក ។
តែទោះជាយ៉ាងណាក៏ដោយ ឥឡូវនេះ យោងតាមកាសែត Marca បានអះអាងថាក្លិប និងបន្តផ្តល់ការគាំត្រដល់លោក Xavi សម្រាប់រដូវកាលដែលនៅសេសសល់ដោយមិនគិតពីអ្វីដែលកើតឡើងនោះឡើយ ។
ប្រភពដដែលនេះ បានបង្ហាញទៀតថា ថា្នក់ដឹកនាំជាន់ខ្ពស់របស់ក្លិប នៅតែមានជំនឿថា Xavi អាចជួយ Barcelona ប្រជែងដណ្តើមពានធំៗទាំងអស់ក្នុងរដូវកាលនេះ បើទោះបីជាមានទម្រង់លេងមិនសូវល្អក៏ដោយ៕