បើតាមសារព័ត៌មាន The Athletic ចុះផ្សាយ ក្លឹបយក្សនៅទីក្រុង Madrid បានដាក់កូនចិត្តមកចាប់អារម្មណ៍លើកីឡាករបារាំង Kylian Mbappe ជាថ្មី ទន្ទឹមនឹងសុពលភាពកុងត្រាកីឡាករត្រូវផុតនៅចុងខែមិថុនា ឆ្នាំក្រោយ ២០២៤។ យ៉ាងណាពេលនេះ មិនឲ្យដូចពេលមុន ពោលសុំដាក់កំហិតឲ្យគោលដៅរបស់ខ្លួន គិតគូរមុនពាក់កណ្តាលខែមករាយូរបំផុត។
ក៏ដោយសារពេលមុន Real Madrid ចាញ់ PSG ម្តងហើយ ត្រង់ចុះឡើង Mbappe ទៅបន្តកុងត្រាថ្មី នាំឲ្យក្លឹបអធិរាជស រួមទាំងអ្នកគាំទ្រមានការខឹងសម្បាជាខ្លាំង ទៅលើខ្សែប្រយុទ្ធវ័យ ២៥ ឆ្នាំខាងលើ។ បើតាមសារព័ត៌មាន The Athletic ចុះផ្សាយ សារនេះ ក្លឹបដឹកនាំដោយប្រធានលោក Florentino Perez សុំដាក់កំហិតជាក់លាក់ទៅលើកីឡាករ។
ប្រសិនណាកីឡាករមិនព្រមសម្រេចចិត្ត ត្រឹមពាក់កណ្តាលខែមករាទេនោះ Real ក៏នឹងដកចិត្តទៅវិញ ឥតត្រាំត្រែងខាតពេលយូរខែទៅមុខដែរ។ គួរបញ្ជាក់ថា កីឡាករខាងលើអាចជ្រើសរើសការចរចារវាងភាគីក្លឹបចង់បានដោយឥតខុសលក្ខខណ្ឌជាមួយ PSG ចាប់ពីខែមករា ជាលក្ខណៈ Pre-Contract តទៅហើយ។
រំឭកឲ្យដឹង មុននេះម្ចាស់ដី Bernabeu ក៏ទើបតែជោគជ័យជាមួយសមិទ្ធផលចំណូលថ្មី Jude Bellingham ហើយក៏ត្រៀមទទួលជើងខ្ចីប្រេស៊ីល Endrick នៅរដូវកាលខាងមុខ។ អ៊ីចឹងការសម្លឹង Mbappe មិនបានជាអាទិភាពធំដូចមុនទៀតនោះទេ បើតាមគិត៕