បន្ទាប់មកចូលរួមនៅ Newcastle United អស់រយៈពេលពីរឆ្នាំ ចំខែមករា ទីផ្សារដោះដូររដូវរងា ក៏មានដំណឹងថាក្លឹបអាល្លឺម៉ង់ Bayern Munich ដឹកនាំដោយអ្នកចាត់ការលោក Thomas Tuchel ហាក់ចាប់ចិត្តមកលើកីឡាករអង់គ្លេសជាខ្លាំង ព្រោះចង់ពង្រឹងប្រព័ន្ធការពារជើងក្រោមរបស់ខ្លួននាពេលខាងមុខ។
តាមដឹងខាង Newcastle ទាមទារតម្លៃផ្ទេរចេញកីឡាករវ័យ ៣៣ ឆ្នាំ យកស្មើដើម នោះគឺ ១៤ លានអឺរ៉ូ។ តែការសម្រេចបែបណាពីខាងក្លឹបភាគីចង់បាន Bayern មិនទាន់ឆ្លើយតបនៅឡើយ។ ឥឡូវតាមសារព័ត៌មាន Daily Mail បានចុះផ្សាយ ពីប្រាក់ឧបត្ថម្ភលក្ខខណ្ឌពិសេស ដែលមិនងាយនឹងមាននោះទេ សម្រាប់បណ្តាកីឡាករនៅតំបន់អឺរ៉ុប។
ត្រង់ការទៅចុះចូលជាមួយក្លឹបយក្សអាល្លឺម៉ង់ សម្រាប់ខ្សែការពារស្លាបខាងលើ គេនឹងអាចបានប្រាក់ឧបត្ថម្ភ Bonus ចន្លោះ ៦ ០០០ ទៅ ១៨ ០០០ ផោន/ពិន្ទុ នៃការឈ្នះ ដែលនេះបន្ថែមពីលើប្រាក់ឈ្នួលអាចទទួលបានថែមទៀត។ បូកទៅវាលើសលប់ច្រើន ធៀបនឹងអ្វីដែល Newcastle ផ្តល់ឲ្យសព្វថ្ងៃផង។
រំឭកឲ្យដឹង កីឡាករជំនាញជើងស្តាំ សេសសល់កុងត្រាដល់ចុងខែមិថុនា ឆ្នាំ ២០២៥ ជាមួយស្ថិតិបង្ហាញខ្លួន ២៨ ប្រកួត រដូវកាលនេះ ហើយរកបាន ០ គ្រាប់ តែលោតតួលេខ Assist ដល់ទៅ ៨ លើក។ ក្លឹបសងខាងមានពេលវេលាចរចាសម្រេចយ៉ាងយូរបំផុត ត្រឹមចុងខែមករាខាងមុខនេះឯង៕