ការប្រកួត Manchester Derby នាចុងសប្ដាហ៍នេះ អាចជាការប្រកួតដ៏ពិសេសសម្រាប់ Erling Haaland និង Kevin de Bruyne ដែលជាដៃគូដ៏យល់ចិត្តគ្នាក្នុងក្រុម Manchester City។
ក្នុងការប្រកួត Premier League ទល់នឹង Manchester United នៅទឹកដី Etihad ជាឱកាសដ៏ល្អសម្រាប់ Haaland ក្នុងការរកគ្រាប់បាល់ និងខិតកៀកនៅក្នុងការបំបែកកំណត់ត្រាដ៏កម្រមួយកាន់កាប់ដោយ Sergio Aguero។
ហើយកំណត់ត្រានេះ ក៏ជាប់ពាក់ព័ន្ធជាមួយ De Bruyne ផងដែរ។ កំណត់ត្រានោះ Aguero ជាកីឡាករដែលខ្សែបម្រើបែលហ្ស៊ិក បញ្ជូនឱ្យសម្រេចទីច្រើនជាងកីឡាករណាៗទាំងអស់ក្នុងអាជីពរបស់ខ្លួន។
អតីតម្ចាស់អាវលេខ៩របស់ក្រុមមេឃខៀវ រកគ្រាប់បាល់បាន២៣គ្រាប់ ពីការបញ្ជូនដោយ De Bruyne នេះបើយោងតាមទិន្នន័យដែលកត់ត្រាដោយ One Football។
បច្ចុប្បន្ន Haaland មានគ្រាប់បាល់១៨គ្រាប់ ដែល assist ដោយ De Bruyne តាមពីក្រោយ Aguero ៥គ្រាប់ ដូច្នេះមិនយូរប៉ុន្មានទេ កំណត់ត្រាអាចនឹងបំបែកបាន ប្រសិនបើដៃគូដ៏យល់ចិត្តទាំងពីរនេះ លេងនៅលើទីលានប្រកួតជាមួយគ្នា៕